سعید احمد:ملک کے مختلف حصوں میں شدید دھند کے باعث ریلوے آپریشن متاثر ہو گیا ہے، جس کے نتیجے میں لاہور سے کراچی روانہ ہونے والی متعدد ٹرینوں کے شیڈول میں تبدیلیاں کی گئی ہیں تاکہ مسافروں کی حفاظت یقینی بنائی جا سکے۔

ذرائع کے مطابق قراقرم ایکسپریس 2 گھنٹے 30 منٹ تاخیر کا شکار رہی اور کراچی کے لیے شام 5 بج کر 30 منٹ پر لاہور سے روانہ ہوگی۔ پاک بزنس ایکسپریس ایک گھنٹہ 45 منٹ تاخیر کے ساتھ شام 6 بج کر 15 منٹ پر روانہ ہوگی، جبکہ کراچی ایکسپریس ایک گھنٹہ 15 منٹ تاخیر کے بعد صبح 7 بج کر 15 منٹ پر لاہور سے روانہ کی جائے گی۔

ریلوے حکام کا کہنا ہے کہ دھند کے باعث تاخیر غیر معمولی حالات کا نتیجہ ہے اور مسافروں کو ہدایت کی گئی ہے کہ روانگی سے قبل اپنے ٹرین شیڈول کی تصدیق کر لیں۔