سٹی42:  وزیر داخلہ مھسن نقوی کی انگلینڈ میں موجودگی کے دوران  ان کی دو پاکستانیوں کی پاکستان کو حوالگی کے معاملے پر برطانوی حکام سے بات چیت  کی بھی توقع کی جا رہی ہے۔

 محسن نقوی پاکستان کرکٹ بورڈ کے چئیرمین بھی ہیں۔ ان کے انگلینڈ وزٹ کا بنیادی مقصد  لندن میں پاکستان سپر لیگ  برانڈ کی پروموشن کے لئے لارڈز کرکٹ گراؤنڈ میں پی ایس ایل روڈ شو میں شرکت کرنا ہے۔ یہ اہم روڈ شو کل اتوار کے روز ہو رہا ہے۔ یہ دراصل پی ایس ایل کے نئے ولولہ انگیز سیزن کی لانچنگ کی بھی تقریب ہے۔ 

 پاکستان کرکٹ بورڈ کے چئیرمین کی حیثیت سے محسن نقوی آج لندن پہنچ گئے ہیں۔  عادل راجہ کی حوالگی کا ڈوزئیر پہنچنے سے پہلے محسن نقوی خود لندن پہنچ گئے

چیئر مین پی سی بی سید محسن رضا نقوی لندن پہنچ چکے ہیں۔ پی ایس اپل روڈ شو کا انعقاد کل لارڈز کرکٹ گراونڈ میں ہو گا۔اس شو میں  کرکٹ کے عظیم کھلاڑی بھی شرکت کریں گے۔ 

پی ایس ایل کی پروموشن کے لئے ایک اور روڈ شو  کل  نیو یارک میں  بھی ہو رہا ہے۔ اس روڈ شو میں پاکستان کی قومی ٹی ٹوینٹی کرکٹ ٹیم کے  کیپٹن سلمان علی آغا، ٹیسٹ ٹیم کے کیپٹن شان مسعود ، سعود شکیل، مایہ ناز بیٹر بابر اعظم صاحبزادہ فرحان اور حارث روف شرکت کریں گے۔ 

 
محسن نقوی کی انگلینڈ میں موجودگی کے دوران بتایا جا رہا ہے کہ ان کی انگلینڈ کے سرکاری  حکام سے ملاقات بھی متوقع ہے۔ کہا جا رہا ہے کہ  محسن نقوی کی چند پاکستانیوں کی حوالگی کے معاملے  پر  برطانوی وزارت  خارجہ کے حکام  سے بات چیت  متوقع ہے۔

ایک اہم نیوز آؤٹ لیٹ نے بتایا ہے کہ محسن نقوی کی برطانوی فارن آفس کے حکام سے بھی ملاقات طے ہے، محسن نقوی کی طرف سے چند پاکستانیوں کی حوالگی کےمعاملے پربات چیت متوقع ہے۔

محسن نقوی ان پاکستانیوں  کی حوالگی کے متعلق رسمی درخواست اور دستاویزی شواہد  پہلے ہی اسلام آباد میں برطانوی ہائی کمشنرکے حوالےکرچکے ہیں۔

  برطانوی فارن آفس کے  ذرائع کا کہنا ہےکہ پاکستان  میں ہائی کمشنر کو دیے گئے ڈوزئیر اب تک  برطانیہ  نہیں پہنچے ہیں۔

عادل راجہ اور شہزاد اکبر کی حوالگی کی کارروائی
 دو دن پہلے اسلام آباد میں وفاقی وزیر داخلہ محسن نقوی سے برطانوی ہائی کمشنر جین میریٹ نے ملاقات کی جس میں پاک برطانیہ  تعلقات، سکیورٹی تعاون اور باہمی دلچسپی کے امور  پر تفصیلی گفتگو کی گئی، اس کے ساتھ ہی  برطانیہ میں غیر قانونی طور پر مقیم پاکستانیوں کی وطن واپسی کے امور پر بات چیت ہوئی۔

 اس دوران  وزیر داخلہ نے شہزاداکبر اور عادل راجہ کی حکومت پاکستان کی طرف سے حوالگی کےکاغذات برطانوی ہائی کمشنر کے سپرد کیے۔

محسن نقوی نے کہا کہ دونوں افراد پاکستان میں مطلوب ہیں، ان کو فوری پاکستان کے سپرد کیا جائے۔

وزیر داخلہ نے پاکستان کے خلاف فیک نیوز کے ذریعہ جھوٹا  پروپیگنڈا کرنے میں ملوث پاکستانی شہریوں کے خلاف ٹھوس شواہد بھی فراہم کیے۔

شہزاد اکبر پاکستان میں پہلے سے  اشتہاری قرار پایا ہوا ہے اور عدالت نے  گرفتار کرنے کا حکم جاری کر رکھا ہے۔
وزیر داخلہ نے حوالگی کی قانونی کارروائی کا آغاز کرنے سے پہلے کہا تھا کہ  باہر بیٹھ کر فیک نیوز پھیلانے والے سمجھ رہے ہیں کہ انہیں تحفظ ملے تو یہ ممکن نہیں۔باہر بیٹھ کر  فیک نیوز  پھیلانے والوں کو جلد واپس لائیں گے۔   اب ان لوگوں کے متعلق ڈوزئیر انگلینڈ پہنچنے سے بھی پہلے وزیر داخلہ خود انگلینڈ پہنچ گئے ہیں۔

 محسن نقوی کا کہنا تھا کہ آزادی اظہار پر پورا یقین رکھتے ہیں لیکن فیک نیوز ہر ملک کے لیے مسئلہ ہے۔

اس سے پہلے لاہور میں پریس کانفرنس کرتے ہوئے محسن نقوی نے کہا تھا کہ سوشل میڈیا پر کسی کی تذلیل کئے جانے کی اجازت نہیں دیں گے۔ قومی سلامتی کے معاملے پر کوئی سمجھوتہ نہیں ہو گا۔  کوئی لندن میں بیٹھ کر بکواس کر رہا ہےکہ اداروں میں یہ مسئلہ چل رہا ہے۔

انہوں نے کہا باہر بیٹھ کر فیک نیوز پھیلانے والے سمجھ رہے ہیں کہ انہیں تحفظ ملے تو یہ ممکن نہیں ہے، جو لوگ باہر بیٹھے ہیں انہیں بتا دوں کہ آپ لوگ بہت جلد واپس آرہے ہیں، بہت جلد آپ کو یہاں لائیں گے اور ساری باتوں کا جواب دینا ہوگا۔