وسیم احمد : قومی فٹبال ٹیم نے ورلڈ کپ کوالیفائر میچ کیلئے پریکٹس شروع کر دی، قومی ٹیم آٹھ اکتوبر کو کمبوڈیا روانہ ہو گی۔
پچیس رکنی قومی فٹبال ٹیم نے ہیڈ کوچ سٹیفن کانسٹنٹین کی زیر نگرانی پریکٹس کاآغازکیاہے۔پاکستان فٹبال فیڈریشن نارملائزیشن کمیٹی کی جانب سے گزشتہ روز فیفا ورلڈ کوالیفائر راؤنڈ کیلئے ٹیم کا اعلان کیا گیا تھا۔ جس کے بعد ٹیم نے دو سیشن مکمل کیے۔ پاکستان ٹیم بارہ اکتوبر کو کمبوڈیا اور سترہ اکتوبر کو اسلام آباد میں اپنے ورلڈ کپ کوالیفائی راؤنڈ کے میچز کھیلے گی۔ ٹیم پاکستان فٹبال کی تاریخ میں فیفا ورلڈ کپ کوالیفائی راؤنڈ کا کوئی بھی میچ جیتنے میں کامیاب نہیں ہو سکی۔