سٹی 42 : درآمدی بل کی طلب پر ڈالر ایک بار پھر مہنگا ہوگیا ۔ 

سٹیٹ بینک کے مطابق انٹربینک میں امریکی ڈالر 10 پیسے مہنگا ہوگیا ، انٹربینک میں ڈالر 279.77 روپے سے بڑھ کر 279.87 روپے پر بند ہوا ۔ 

ماہرین کا کہنا ہے کہ درآمدی بل مسلسل بڑھنے کی وجہ سے روپے پر پریشر دیکھا جارہا ہے ۔

 دوسری جانب اوپن مارکیٹ میں امریکی ڈالر 7 پیسے بڑھ کر 281.30 روپے پر پہنچ گیا ۔ اوپن مارکیٹ میں یورو 4.08 روپے مہنگا ہوکر 299.59 روپے، برطانوی پاؤنڈ 2.86 روپے اضافے سے 360.36 روپے، جبکہ سعودی ریال 4 پیسے مہنگا ہوکر 75روپے پر پہنچ گیا۔ اس کے علاوہ اوپن مارکیٹ میں یو اے ای درہم 76.60 روپے پر برقرار رہا۔