سٹی 42 : شکارپور میں قومی شاہراہ پر ہونے والے المناک حادثے میں 3 افراد جان کی بازی ہار گئے۔
پولیس کے مطابق خوفناک حادچہ قومی شاہراہ پر پیش آیا، جامڑا کے قریب دو ٹرکوں کے درمیان تصادم ہوا، جس کے نتیجے میں 3 افراد جاں بحق ہو گئے۔
پولیس نے بتایا کہ ایک ٹرک فنی خرابی کے باعث قومی شاہراہ پر کھڑا تھا، خراب ٹرک کے نیچے مکینک کام کر رہے تھے، اسی دوران پیچھے سے تیزی سے آنے والا دوسرا ٹرک بے قابو ہو کر کھڑے ٹرک سے زور دار ٹکرایا، ٹکر کے نتیجے میں دلخراش واقعہ پیش آیا۔
پولیس کا کہنا ہے کہ جاں بحق ہونے والوں میں ٹرک ڈائیور مالک محمد اعجاز رہائشی ساہیوال شامل ہے۔ اسکے علاوہ مکینک محمد ادریس بروہی اور مزدور میجر سنجرانی رہائشی شکارپور شامل ہیں ۔
واقعے کے فوراً بعد ریسکیو ٹیمیں موقع پر پہنچ گئیں اور جاں بحق افراد کی لاشوں کو قریبی اسپتال منتقل کیا۔