سٹی 42 : وفاقی وزیر بحری امور محمد جنید انوار چوہدری نے کہا ہے کہ کشمیریوں کی پرامن جدوجہد کو دبایا نہیں جا سکتا، ہم کشمیری عوام کے انسانی، سیاسی اور جمہوری حقوق کے ساتھ کھڑے ہیں۔ 

یومِ استحصال کشمیر پر وفاقی وزیر بحری امور محمد جنید انوار چوہدری نے اپنے پیغام میں کہا کہ کشمیری عوام سے مکمل یکجہتی کا اظہار کرتے ہیں، 5 اگست 2019 کے بھارتی اقدامات اقوامِ متحدہ کی قراردادوں کی خلاف ورزی ہیں، بھارت نے کشمیر کی خصوصی حیثیت ختم کر کے انسانی حقوق پامال کیے۔ انہوں نے کہا کہ عالمی برادری کشمیریوں کے حقِ خودارادیت کی حمایت کرے۔ 

 جنید انوار چوہدری نے کہا کہ پاکستان کشمیریوں کے حقِ خودارادیت کی حمایت جاری رکھے گا، کشمیریوں کو حق دیے بغیر خطے میں پائیدار امن ممکن نہیں۔ انہوں نے کہا کہ یومِ استحصال ظلم کے خلاف اور انصاف کے حق میں آواز اٹھانے کا دن ہے۔