(ویب ڈیسک) آج کل او ٹی ٹی پر کنٹینٹ کی بھرمار ہےاور اگر آپ کرائم تھرلر دیکھنے کے شوقین ہیں، تو او ٹی ٹی پر ان دنوں ایک ایسی سیریز سرخیوں میں ہے، جسے دیکھنے کے بعد آپ جہاں بیٹھے ہیں، اس جگہ سے ہل نہیں پائیں گے۔ خاص طور پر اسے بیچ میں چھوڑ کر جانے کا یہ سیریز آپ کو موقع ہی نہیں دے گی۔’’ کُٹرم پورِنْدھَوَن: دی گلٹی ون‘‘ نام کی یہ ملیالم سیریز اپنی زبردست کہانی اور سسپنس کی وجہ سے چھائی ہوئی ہے۔

بھارتی میڈیا رپورٹ کے مطابق ان دنوں او ٹی ٹی پر ایک ایسی ہی شاندار سیریز دیکھنے کو مل رہی ہیں، جن کے بارے میں پہلے شاید ہم جانتے بھی نہیں تھے۔خاص کر ملیالم فلموں اور سیریز کا کریز الگ ہی لیول پر پہنچ چکا ہے۔نام بھلے ہی مشکل لگیں، لیکن کنٹینٹ اتنا زبردست ہوتا ہے کہ لوگ بغیر سوچے سمجھے دیکھنے بیٹھ جاتے ہیں۔

ملیالم سنیما کی خاص بات یہ ہے کہ یہاں فضول کے سین یا بے وجہ کا گلیمر کہیں دیکھنے کو نہیں ملتا۔ نہ ہی ملیالم فلموں میں زبردستی کا رومانس اور نہ ہی فحاشی دیکھنے کو ملتی ہے۔ پھر بھی ان کی کہانیاں اتنی مضبوط ہوتی ہیں کہ ناظرین کو باندھے رکھنے کا کام کرتی ہیں۔یہی وجہ ہے کہ کئی بڑے فلم میکرز بھی مان چکے ہیں کہ کنٹینٹ اور ٹیکنیک کے معاملے میں ملیالم انڈسٹری آج ٹاپ پر ہے۔ اب بات کرتے ہیں ایک ایسی ہی تھرلر سیریز کی، جس کا نام ہے’’ کُٹرم پورِنْدھَوَن: دی گلٹی ون‘‘۔ یہ سیریز سونی ٹی وی پر اسٹریم ہو رہی ہے اور ان دنوں کافی چرچے میں ہے۔
 اگر آپ اسے دیکھنا شروع کریں گے، تو یقین مانیں بغیر ختم کیے اٹھنا مشکل ہو جائے گا۔ اس سیریز کی سب سے بڑی طاقت ہے اس کا ہر ایپی سوڈ۔ ہر قسط آپ کو باندھے رکھتی ہے اور ایسا لگتا ہے جیسے آپ کوئی اصلی کرائم کیس دیکھ رہے ہوں۔