(عابد چودھری)اچھرہ کے علاقے میں موٹرسائیکل سوار شفیع نامی شخص نے پل سے کود کر خود کشی کر لی۔ پل سے کودنے کے باعث نیچے کھڑے خاتون سمیت دو افراد زخمی ہو گئے جنہیں ہسپتال منتقل کر دیا گیا ۔
تفصیلات کے مطابق مسلم ٹاؤن فلائی اوور سے موٹرسائیکل سوار 60 سالہ بزرگ نے اچانک چھلانگ لگا دی جس کے باعث نیچے کھڑے خاتون سمیت دو افراد زخمی ہو گئے ۔ چھلانگ لگانے والا شخص شفیع زخموں کی تاب نہ لاتے ہوئے موقع پر ہی دم توڑ گیا۔حادثے کی اطلاع ملنے پر ریسکیو اہلکار موقع پر پہنچ گئے۔ زخمیوں کو طبی امداد کے لیے ہسپتال منتقل کر دیا اور خودکشی کرنے والے شخص کی لاش پولیس کے حوالے کر دی ۔
ذرائع کے مطابق پولیس کا کہنا ہے کہ شفیع کی خودکشی کے محرکات جاننے کی کوشش کی جار ہی ہے۔ لاش پوسٹمارٹم کے لیے مردہ خانے منتقل کر دی گئی ہے۔ واقعے کا مقدمہ درج کر کے مزید تحقیقات کی جا رہی ہیں۔