سٹی42: وزیر اعلیٰ پنجاب مریم نواز نے کہا ہے کہ زندگی کی پرواہ کیے بغیر دوسروں کیلئے بھڑکتی آگ میں کود جانے والے اصل ہیرو ہیں۔

  انٹر نیشنل فائر فائٹرز ڈے پر خصوصی پیغام جاری کرتے ہوئے وزیر اعلیٰ پنجاب مریم نواز نے کہا ہے کہ فائر فائٹرز ڈے آتشزدگی میں پھنسے لوگوں کو بچانے والے فائر فائٹرز کی قربانیوں کو تسلیم کرنے کا دن ہے۔

 انہوں نے کہا ہے کہ ہر بہادر فائر فائٹر کو سلام! فائر فائٹرز ڈے پر جان کا نذرانہ پیش کرنے والے ریسکیورز کو کیسے بھول سکتے ہیں، فائر فائٹرز فرض کی ادائیگی میں ہرمشکل چیلنج کا بھرپور مقابلہ کرتے ہیں، آتشزدگی کے واقعات کی روک تھام کیلئے حفاظتی تدابیر کا نفاذ ضروری ہے۔

 مریم نواز کا مزید کہنا ہے  کہ   بلند و بالا عمارتو ں کو آتشزدگی سے بچانے کے لیے بلڈنگ سیفٹی لاز پر عملدرآمد یقینی بنائیں گے، پنجاب کمیونٹی سیفٹی بلڈنگز ریگولیشنز پر عملدرآمد کیلئے ضروری اقدامات کیے جا رہے ہیں۔