دنیا کے امیر ترین جوڑے نے راہیں جدا کرنے کا اعلان کر دیا

دنیا کے امیر ترین جوڑے نے راہیں جدا کرنے کا اعلان کر دیا
Bil gates and wife

(ویب ڈیسک)  27 سالہ شاندار ازدواجی زندگی  گزار نے کے بعد دنیا کےامیر ترین جوڑے نے راہیں جدا کرنے کا اعلان کر دیا۔

تفصیلات کے مطابق امریکی کمپنی مائیکرو سافٹ کے بانی اور ارب پتی شخصیت بل گیٹس اور ان کی اہلیہ میلنڈا گیٹس نے شادی کے 27 سال بعد ایک دوسرے سے علیحدگی کا اعلان کر دیا۔   بل گیٹس اور میلنڈا گیٹس کی جانب سے ٹویٹر پرجاری کئے گئے پیغام میں کہا گیا ہے کہ تعلقات پر بہت سوچ و فکر اور کام کرنے کے بعد ہم نے شادی کو ختم کرنے کا فیصلہ کیا ہے۔

 پیغام میں مزید  کہا گیا ہے کہ  یقین نہیں ہے کہ اب ہم ایک جوڑے کی حیثیت سے ایک ساتھ چل سکتے ہیں۔ دونوں نے اپنے پیغام میں کہا کہ 27 سالہ ازدواجی زندگی میں شاندار زندگی گزاری اور 3 بچوں کو پروان چڑھایا۔   ایک ایسی فاونڈیشن بنائی جو پور ی دنیا میں کام کرتی ہے تاکہ تمام لوگوں کو صحت مند اور کارآمد زندگی گزارنے کے قابل بنایا جا سکے۔بل گیٹس اور میلنڈا گیٹس نے اعلان کیا کہ علحیدگی کے باوجود فلاحی منصوبے ملکر چلاتے رہیں گے۔

 یاد رہے کہ بل اور میلنڈا کی ملاقات 1980 کی دہائی میں ہوئی تھی۔میلنڈا، بل گیٹس کی مائیکرو سافٹ فرم میں ملازمت کرتی تھیں۔ 27 برس قبل دونوں رشتہ ازدواج میں منسلک ہوئے تھے اور ان کے تین بچے ہیں۔