( جنید ریاض ) وزیر تعلیم پنجاب ڈاکٹر مراد راس کا نویں جماعت کی مطالعہ پاکستان کی کتاب میں ختم نبوت کے حوالے مبینہ تبدیلی پر ردعمل، مراد راس کا کہنا ہے کہ حال ہی میں نویں جماعت کی مطالعہ پاکستان کی کتاب میں ختم نبوت کے عقیدے میں تبدیلی کے حوالے سے منظر عام پر آنے والی خبر گزشتہ سال جولائی کی ہے، متنازعہ کتاب کے پبلیشرز کے خلاف جولائی 2019 میں ہی بھرپور اور فوری کارروائی عمل میں لائی جا چکی ہے۔
صوبائی وزیر تعلیم ڈاکٹر مراد راس کا مزید کہنا ہے کہ پنجاب ٹیکسٹ بک بورڈ اینڈ کریکولم اتھارٹی کی جانب سے جاری کردہ نویں جماعت کی مطالعہ پاکستان کی کتاب میں ختم نبوت کے حوالے سے کسی بھی قسم کی کوئی تبدیلی نہیں کی گئی ہے۔
پی سی ٹی بی کی جانب سے جاری کردہ نویں جماعت کی مطالعہ پاکستان کی کتاب میں پانچویں صحفے پر ختم نبوت کے حوالے سے عبارت واضح لفظوں میں موجود ہے۔
ڈاکٹر مراد راس نے بتایا کہ نجی پبلیشرز کی جانب سے چھاپی گئی متنازع کتاب کی 30 ہزار سے زائد کاپیاں گزشتہ سال ہی ایف آئی آر درج ہونے کے بعد قبضے میں لے لی گئیں تھیں۔
مطالعہ پاکستان کی متنازعہ کتاب چھاپنے والے نجی پبلیشرز کو گزشتہ سال بلیک لسٹ بھی کر دیا گیا تھا۔ ڈاکٹر مراد راس نے کہا کہ ختم نبوت کا معاملہ ہر مسلمان کے لئے قلیدی اہمیت کا حامل ہے اس حوالے سے کبھی بھی کسی بھی قسم کی تبدیلی قابل قبول نہیں ہو سکتی۔
پنجاب کے سکولوں میں موجود نویں جماعت کی مطالعہ پاکستان کی کتاب کے صفحے آپ خود دیکھ سکتے ہیں جس میں عقیدہ ختم نبوت واضح طور پر لکھا ہوا ہے
— Murad Raas (@DrMuradPTI) May 4, 2020
سمیع اللہ خان سمیت نون لیگی اراکین کی قیادت لندن اور خود آج کل گھروں میں فارغ بیٹھے ہیں تو میڈیا میں آنےکےلیے من گھڑت پراپیگنڈا شروع کر دیاہے pic.twitter.com/v8Bz4bdGy0