(ویب ڈسک )پاکستان سپر لیگ کی فرنچائز پشاور زلمی کے مالک جاوید آفریدی بھی پاکستان بھر میں مقبول ترین ترکش سیریز ’ارطغرل غازی‘ کے مداح نکلے ، انہوں نے حا ل ہی میں سیریز میں ’حلیمہ سلطان‘ کا مرکزی کردار ادا کرنے والی اداکارہ اسراءبلجیک کو فرنچائز کا برانڈ ایمبیسڈر بنانے کے حوالےسے کرکٹ شائقین سے مشورہ مانگ لیا۔
جاوید آفریدی نے سماجی رابطے کی ویب سائٹ ٹوئٹر پر گزشتہ دنوں’ارطغرل‘ کا کردار ادا کرنے والے انجن التان کو پشاور زلمی کی ٹیم کا حصہ بنانے کے حوالے سے ایک ٹوئٹ کیا تھا، جس میں جاوید آفریدی نے کہا کہ اگر ارطغرل غازی پشاور زلمی کی ٹیم میں برانڈ ایمبیسیڈر کے طور پر شامل ہوں تو؟
WHAT IF #ErtugrulGhazi JOIN PESHAWAR ZALMI AS A BRAND AMBASADOR ❓
— Javed Afridi (@JAfridi10) June 30, 2020
جس پر کرکٹ شائقین کی بڑی تعداد نے خوشی کا اظہار کیا، بعدازاں انہوں نے ’حلیمہ سلطان‘ کا مرکزی کردار ادا کرنے والی اداکارہ اسراءبلجیک کو فرنچائز کا برانڈ ایمبیسڈر بنانے کے حوالے سے ایک اور ٹوئٹ کیا کہ اگر ہم یہی پیشکش حلیمہ سلطان کو بھی کریں؟
WHAT IF WE OFFER TO #HalimeSultan AS WELL ❓ https://t.co/DpT0KzNcQv
— Javed Afridi (@JAfridi10) July 3, 2020
جاوید آفریدی کے اس ٹوئٹ کے بعد سے پاکستانی کرکٹ شائقین نےخوشی کا اظہار کرتے ہوئے دلچسپ جوابی ٹوئٹس کئے،اسد اللہ منہا نے کہا کہ اگر ایسا ہو جائے تو ہم سب کچھ چھوڑ کرپشاور زلمی کو سپورٹ کریں گے ۔
Phr hm sb kch chor k sirf peshawar ko support krain gy????
— Ertugrul ???????? (@AsadUllahMinha2) July 3, 2020
عامر خان نے لکھا کہ آپ ہمارے دل جیت لیں گے ۔
You win our hearts sir
— Aamir Khan (@i_deffender) July 3, 2020
محمد نعمان نے لکھا کہ پھر تو کسی ٹیم کو کوئی سپورٹ نہیں کرے گا، سب فینز پشاور زلمی کے ساتھ ہی ہوںگے۔
Phr sab zalmi k e fans hounge . Kisi or tram ko koi support nahi karne wala.
— Muhammad Noman (@Nomancricket29) July 3, 2020
یاد رہے کہ ترکش سیریز ’ارطغرل غازی‘کو وزیراعظم عمران خان کی ہدایت پر پی ٹی وی پر نشر کیا جارہا ہے جس کو پاکستان بھر میں انتہائی مقبولیت حاصل ہے۔