سٹی 42 : ایف آئی اے این سی بی انٹرپول نے کارروائی کے دوران 7 سال سے مالی فراڈ کے مقدمے میں مطلوب اشتہاری ملزم عمان سے گرفتار کرلیا۔ 

ترجمان ایف آئی اے کے مطابق ملزم بشارت علی کو عمان سے گرفتار کر کے لاہور ائرپورٹ منتقل کر دیا گیا، گرفتار ملزم گزشتہ 7 سال سے پنجاب پولیس کو مطلوب تھا، ملزم سال 2018 میں مالی فراڈ کر کے بیرون ملک فرار ہو گیا تھا۔ ترجمان نے بتایا کہ ملزم کے خلاف تھانہ کوتوالی جھنگ میں مقدمہ درج تھا۔ 

ایف آئی اے این سی بی انٹرپول نے ملزم کی گرفتاری کے لئے ریڈ نوٹس جاری کیا تھا۔ ملزم کی حوالگی انٹرپول اسلام آباد کی انٹرپول عمان کے ساتھ قریبی رابطہ کاری کی وجہ سے ممکن ہوئی۔ ملزم کو بعد ازاں ایف آئی اے امیگریشن لاہور نے پنجاب پولیس حکام کے حوالے کر دیا۔