سٹی 42 : عوامی ایکشن کمیٹی سے مذاکرات کے لیے مظفرآباد جانے والے وفاقی وزراء کو پہننے کیلئے کپڑے اور میڈیسن کی کمی کا سامنا ہوا، جس کے بعد اُن کا عملہ کپڑے اور میڈیسن لے کر مظفرآباد روانہ ہو گیا۔
ذرائع کے مطابق وفاقی وزراء ایک دن کی تیاری کے ساتھ مظفرآباد روانہ ہوئے تھے، جس کی وجہ سے اُنہیں کپڑوں اور میڈیسن کی کمی کا سامنا کرنا پڑا۔ تاہم وفاقی وزراء کے آج پھر مظفرآباد میں قیام کے پیش نظر اپنے کپڑے اور میڈیسن مظفراباد منگوا لی ہیں۔
ذرائع کا کہنا ہے کہ وفاقی وزیر امور کشمیر انجینیئر امیر مقام کا عملہ کپڑے اور میڈیسن لے کر مظفرآباد روانہ ہو گیا۔ چیئرمین رابطہ بورڈ سردار طارق وفاقی وزیر کے کپڑے اور میڈیسن لے کر مظفرآباد روانہ ہو گئے۔
ذرائع کے مطابق دیگر وفاقی وزراء بھی ایک دن کی تیاری کے ساتھ میڈیسن اور کپڑے لے کرمظفرآباد پہنچے تھے۔
واضح رہے کہ وفاقی وزراء کا عوامی ایکشن کمیٹی سے مذاکرات کا پہلا دور گزشتہ روز دن ہوا اور دوسرا دور ابھی جاری ہے۔