دورِ نایاب :لاہور میں شاہدرہ سے رائیونڈ اسٹیشن تک 40 کلومیٹر طویل ریلوے ٹریک کے ساتھ گرین کوریڈور منصوبے کی منظوری دی گئی ہے، جس پر 1 ارب 77 کروڑ روپے سے زائد لاگت آئے گی۔

 ترجمان ذرائع کے مطابق پی ایچ اے کے تحت یہ منصوبہ مکمل کیا جائے گا، جس کے تحت 664 کنال اراضی پر گرین کوریڈور تعمیر کیا جائے گا،3کنال سے8کنال تک ریلوےٹریک کیساتھ ساتھ30سائٹس کی نشاندہی کرلی گئی ہے،اس منصوبے میں ریلوے ٹریک کے ساتھ پارکس، جِنگ ٹریک، اوپن جم، واک ویز، سٹنگ ایریاز، چلڈرن پلے ایریاز، باونڈری فینسز، اور بیڈمنٹن کورٹس شامل ہوں گے۔ منصوبے کو 4 مختلف فیز میں مکمل کیا جائے گا، اور اس کی تکمیل دو سال میں متوقع ہے۔

موجودہ حالات میں پی ایچ اے لاہور کے پاس گریں کوریڈورجیسامیگا پراجیکٹ واحدمنصوبہ ہوگا,منصوبے کا پہلا پیکیج ، شاہدرہ سے ریلوے سٹیشن اور دوسرا پیکیج ریلوے سٹیشن تا والٹن ہوگا,تیسرا پیکج والٹن سے کوٹ لکھپت ، چوتھا پیکیج کوٹ لکھپت سے رائیونڈ سٹیشن تک ہوگا،یہ منصوبہ 2018 سے بجٹ میں شامل تھا لیکن اب تک اس پر کام شروع نہیں ہو سکا تھا۔چند روز قبل پی اینڈ ڈی نے اس منصوبے کے ڈیزائن اور فنڈز کی منظوری دے دی ہے۔