سٹی42: شہر لاہور میں ٹریفک حادثات کا سلسلہ بدستور جاری، گزشتہ 24 گھنٹوں کے دوران مختلف علاقوں میں 241 ٹریفک حادثات رپورٹ۔
ریسکیو حکام کے مطابق حادثات کی زد میں آکر مجموعی طور پر 253 افراد زخمی ہوئے ہیں، 97 شدید زخمیوں کو مقامی ہسپتالوں میں منتقل کیا گیا جبکہ 156 معمولی زخمیوں کو موقع پر فرسٹ ایڈ فراہم کی گئی۔
ریسکیو حکام نے بتایا کہ ٹریفک حادثات تیز رفتاری اور ٹریفک قوانین کی خلاف ورزی کے باعث پیش آئے ہیں۔