(حافظ شہباز) پاکستان سپر لیگ کے 8 ویں آڈیشن کا انتظار شائقین کو بے صبری سے ہے۔
اب پی سی بی کی جانب سے پی ایس ایل 8 کیلئے کل سے ٹکٹوں کی فروخت کا اعلان کیا گیا ہے۔پی ایس ایل کیلئے ٹکٹوں کی فروخت آن لائن ہوگی اور ہر میچ کیلئے ٹکٹوں کی قیمت مختلف ہوگی۔ میچز کے دوران ٹکٹوں کی فروخت کیلئے اٹیڈیمز کے قریب بھی بوتھ قائم کیے جائیں گے۔
اسکے ساتھ ساتھ لاہور میں جنرل اسٹینڈ کی ٹکٹس کی قیمت ساڑھے 6 سے 12 سو روپے تک ہوگی۔ پی ایس ایل 8 میں پہلی بار میچز کیلئے سیزن ٹکٹس بھی متعارف کروائے گئے ہیں، لاہور میں جنرل اسٹینڈ کا سیزن پاس 3870 روپے کا ہوگا جبکہ فرسٹ کلاس کا سیزن پاس 7110 روپے اور پریمئیم کا ٹکٹ 10170 روپے میں فروخت ہوگا۔ اسی طرح وی آئی پی اسٹینڈ کا سیزن پاس 18720 روپے کا ہوگا۔