ویب ڈیسک: ازبکستان کے چڑیا گھر میں ایک بےرحم اور سفاک ماں نے اپنی 3 سالہ بیٹی کو ریچھ کے آگے ڈال دیا ،واقعے کی ویڈیو منظرِ عام پر آگئی ہے۔
غیر ملکی میڈیا کے مطابق ازبکستان کے چڑیا گھر میں ایک دل دہلا دینے والا واقعہ اُس وقت پیش آیا کہ جب ایک ماں نے اپنی تین سالہ بیٹی کو ریچھ کے آگے پھینک دیا۔فوٹیج میں دیکھا جاسکتا ہے کہ ماں اپنی بیٹی اور دیگر لوگوں کے ساتھ 16 فٹ اوپر سے نیچے گھومنے والے ریچھ کو دیکھ رہی ہے اور پھر وہ اتنی اونچائی سے اپنی معصوم بچی کو نیچے ریچھ کے آگے پھینک دیتی ہے۔
عینی شاہدین نے بتایا کہ جب چھوٹی بچی ریچھ کی خندق میں آکر گِری تو ریچھ بچی کے پاس گیا اور اُسے سونگھنے لگا، خوش قسمتی سے، ریچھ بچی کو سونگھنے کے بعد وہاں سے چلا گیا اور اسے کوئی نقصان نہیں پہنچایا۔
A woman in Uzbekistan drops her 3-year-old daughter into a bear enclosure at a zoo. The child is being treated for a head injury and cuts from the fall, while the mother faces years in prison for attempted murder. pic.twitter.com/SK9JRkswZr
— ℭ???????????????? (@hazeycazeytv) January 31, 2022
چڑیا گھر کے مالکان بچی کو بچانے کے لیے خندق کے اندر گئے اور بحفاظت بچی کو باہر لے آئے۔ بچی کی سفاک ماں کا نام ظاہر نہیں کیا گیا ہے تاہم ماں کو حراست میں لے لیا گیا اور اس پر قتل کی کوشش کا الزام لگایا گیا ہے۔
جرم ثابت ہونے پر اسے 15 سال تک قید کا سامنا کرنا پڑ سکتا ہے جبکہ بچی کو سر پر چوٹ آئی ہے اور وہ اسپتال میں زیرِ علاج ہے۔دوسری جانب چڑیا گھر کے ترجمان کا کہنا ہے کہ یہ مکمل طور پر واضح نہیں تھا کہ اُس ماں کو اپنی بیٹی کو پھینکنے کا مقصد کیا تھا، زائرین اور چڑیا گھر کا عملہ دونوں اسے روکنے کی کوشش کر رہے تھے لیکن وہ ناکام رہے۔