ویب ڈیسک : جھنگ میں بھائی نے بہن کو گولی مار کر قتل کر دیا۔

پولیس کا دعویٰ یہ ہے کہ  عائشہ گھر کے صحن میں بچوں کو پڑھا رہی تھی، جب اس کے چھوٹے بھائی نے باہر سے آ کر کھانا مانگا۔عائشہ نے چھوٹے بھائی سے کہا کہ تھوڑا صبر کرو ابھی بچوں کو پڑھا رہی ہوں، اس کے بعد روٹی پکا کر دوں گی۔

پولیس کا دعویٰ ہے کہ اس بات پر چھوٹے بھائی کو غصہ آ گیا اور اس نے پستول نکال کر بہن پر گولی چلا دی، جس سے عائشہ موقع پر جاں بحق ہو گئی۔پولیس نے مقتولہ کے چچا کی مدعیت میں مقدمہ درج کر کے مفرور قاتل  کی تلاش شروع کر دی ہے۔