سٹی 42: پاکستان اور نیوزی لینڈ کے درمیان ہونے والی کرکٹ سیریز کی سکیورٹی کیلئے انتظامیہ نے پاک فوج، رینجرز اور ایس ایس جی کمانڈوز کو طلب کر لیا ہے۔

 سکیورٹی خدشات کے پیش نظر پاک  نیوزی لینڈ کرکٹ سیریز کیلئے انتظامیہ نے پاک فوج، رینجرز اور ایس ایس جی کمانڈوز کو طلب کر لیا ہے۔ انتظامیہ کی جانب سے پاک آرمی کی 1 کمپنی، رینجرز کی 2 اور ایس ایس جی کمانڈوز کی بھی 1 کمپنی کیلئے مراسلہ وزارتِ داخلہ کو ارسال کر دیا گیا ہے۔ 

 شہر لاہور میں پاک نیوزی لینڈ کرکٹ سیریزکے دوران سکیورٹی کےلئے فول پروف انتظامات کئے جائیں گے۔سکیورٹی فول پروف بنانےکےلئے 14 اپریل سے لاہور اور راولپنڈی کےلئے رینجرز، پاک فوج اور ایس ایس جی کمانڈوز کی بھی مددمانگ لی گئی ہے، لاہور میں 3میچزکےلئے کل 8 ہزار نفری سکیورٹی خدمات سر انجام دے گی جن میں 50 ایلیٹ فورس کی ٹیمیں اسٹیڈیم، روٹ اور ہوٹل کے گردونواح تعینات کی جائیں گی۔

 واضح رہے کہ اس سے قبل کیوی ٹیم گزشتہ برس میچ سے کچھ دیر پہلے سکیورٹی خدشات ظاہر کرتے ہوئے پاکستان سے واپس چلی گئی تھی۔