سکول انفارمیشن سسٹم کا سرور خراب، بچوں کی آن لائن حاضری کا آغاز نہ ہوسکا


(جنید ریاض) سکول انفارمیشن سسٹم کا سرور خراب ، لاہور کےسرکاری سکولوں میں بچوں کی آن لائن حاضری کا آغاز نہ ہوسکا، آن لائن حاضری کا منصوبہ ناکام، سرورخراب ہونے سےاگلی جماعت میں پرموٹ بچوں کا ڈیٹا بھی اپ ڈیٹ نہ کیا جاسکا ۔

یہ بھی لازمی پڑھیں:بولو لاہور 20نومبر 2018    

تفصیلات کے مطابق نئےتعلیمی سال کا آغازہوگیا لیکن سکول انفارمیشن سسٹم پر بچوں کا ڈیٹا تاحال اپ ڈیٹ نہ کیا جاسکاجس کی وجہ سےآن لائن حاضری بھی شروع نہیں ہوسکی۔ویب سائٹ کا سرور مسلسل خراب رہنے سے اساتذہ کو بچوں کا ڈیٹا اپ ڈیٹ کرنے میں مشکلات درپیش ہیں۔اساتذہ کاکہنا ہےکہ ویب سائٹ کا سرور بار بار بند ہونے سے ڈیٹا اپ ڈیٹ نہیں ہوسکا۔

اساتذہ کا کہنا ہے کہ لاہور کے 1200 سکولوں میں صرف ایک ، ایک ٹیب دیا گیا جس کی وجہ سےاساتذہ کیلئے ایک ٹیب پر 2000 سے زائد بچوں کی حاضری لگانا مشکل ہوگیا ہے اور انہیں ایک کلاس کی حاضری لگانےمیں گھنٹہ لگ جاتاہے، ویب سائٹ کاسافٹ وئیرفنکشنل نہ ہونےکی وجہ سے سکول کا انفارمیشن ڈیٹا غائب ہوجاتاہے۔ محکمہ تعلیم کاکہنا ہےکہ ویب سائٹ ٹھیک ہوگی تو ڈیٹا اپ ڈیٹ کریں گے۔