سٹی 42: اسلام آباد میں ایک اور پروٹوکول 4 افراد کی جان لے گیا، سیکٹر جی الیون میں وفاقی محتسب انسدادِ ہراسانی کشمالہ طارق کے پروٹوکول کی تیز رفتار گاڑی نے اشارہ توڑتےہوئے 6 افراد کو کچل دیا۔ 4 اسپتال میں چل بسے، 2 زخموں سے چُور ہیں۔ کشمالہ طارق کا خاوند ڈرائیور کو تھانے میں بٹھا کر رفوچکرہوگیا۔

اسلام آباد کی سری نگر ہائی وے پر وفاقی محتسب برائے انسدادِ ہراسانی کشمالہ طارق کے پروٹوکول نے 6 جیتے جاگتے، ہنستے کھیلتے انسانوں کو کیڑے مکوڑے کی طرح کچل دیا۔4 زندگی کی بازی ہارگئے جبکہ 2 زخموں سے چُور بقا کی جنگ لڑ رہے ہیں۔سی سی ٹی وی فوٹیج میں کار اور موٹر سائیکل کو کچلتے دیکھا جاسکتا ہے ۔

جی الیون وقوعہ کی سی سی ٹی وی فٹیج نے واقعہ اچھی طرح سے واضح کر دیا pic.twitter.com/gBdGuXVkYL

— Noorulamin Danish (@Noorulamin000) February 2, 2021

عینی شاہد اورسینئر صحافی نور الامین کا کہناہے کہ تیز رفتار گاڑیوں کے قافلے نے جس طرح سے گاڑی اور موٹر سائکل کو کچلا اس کی مثال نہیں ملتی۔

طاقت کے نشے میں چور پانچ گاڑیوں کے پرٹوکول میں بیسٹ ویسٹرن کے مالک وقاص خان کی گاڑی جی الیون اشارہ توڑتے ہوئے پانچ شہریوں کو کچل ڈالا
ستم یہ کہ ظالموں کی فوج بھاگ گئی، پولیس نے آدھے گھنٹے بعد پہنچ کر ایک شخص کو پکڑا
امید ہے آئی جی ، ڈی آئی جی اور ڈی سی اس ٹوئٹ کا جواب دیں گے pic.twitter.com/ccMQ3Yqxjd

— Noorulamin Danish (@Noorulamin000) February 1, 2021

پولیس کے مطابق ٹکر مارنے والی گاڑی کومبینہ طور پر کشمالہ طارق کا بیٹا اذلان چلا رہاتھا۔ جاں بحق انیس ، فیصل ،حیدراور فاروق مانسہرہ سے نوکری کےلئے ٹیسٹ دینے آئے تھے۔ پولیس کے مطابق قافلے میں ایک سرکاری نمبر پلیٹ کی گاڑی بھی شامل تھی۔پولیس نے کشمالہ طارق کے خاوند وقاص خان کو تھانے منتقل کیا مگر وہ ڈرائیور کو بٹھا کر چلتے بنے، درخواست میں نامزد ملزم اذلان کو تاحال گرفتار نہ کیاجا سکا۔