ویب ڈیسک: ویسٹ انڈیز کے خلاف سیریز کے لئے قومی اسکواڈ کا اعلان کردیا گیا۔
سلیکٹرز نے ٹی ٹونٹی سیریز کے لئے 15 رکنی جبکہ ون ڈے سیریز کے لئے 17 کھلاڑیوں کا اعلان کیا ہے۔عبداللہ شفیق بطور ٹریول ریزرو اسکواڈ کے ساتھ رہیں گے۔ تین ٹی 20 انٹرنیشنل میچز کے لیے اعلان کردہ اسکواڈ کی قیادت بابر اعظم کریں گے۔دیگر کھلاڑیوں میں نائب کپتان شاداب خان، آصف علی، فخر زمان، حیدر علی اور حارث رؤف شامل ہیں۔افتخار احمد، خوشدل شاہ، محمد حسنین، محمد نواز،محمد رضوان اور محمد وسیم جونیئر بھی قومی ٹی 20 اسکواڈ میں شامل ہیں۔ شاہین شاہ آفریدی، شاہنواز دھانی اور عثمان قادر بھی اسکواڈ کا حصہ ہیں۔
— Pakistan Cricket (@TheRealPCB) December 2, 2021
قومی ون ڈے اسکواڈ میں شامل 17 کھلاڑیوں میں کپتان بابر اعظم اور نائب کپتان شاداب خان ہیں۔دیگر کھلاڑیوں میں آصف علی، فخر زمان، حیدر علی اور حارث رؤف شامل۔افتخار احمد، امام الحق، خوشدل شاہ، محمد نواز اور محمد رضوان بھی ون ڈے اسکواڈ کا حصہ ہیں۔محمد وسیم جونیئر، محمد حسنین، سعود شکیل، شاہین شاہ آفریدی، شاہنواز دھانی اور عثمان قادر بھی ون ڈے اسکواڈ میں شامل ہیں۔یاد رہے کہ پاکستان اور ویسٹ انڈیز کے درمیان رواں ماہ 3 ون ڈے اور 3 ٹی 20 میچز کھیلے جائیں گے۔