سٹی 42 : پاکستانی ٹیم بیٹر فیوچر نے ناروے کپ میں انڈر 15 کا ٹائٹل جیت لیا۔

فائنل میں بیٹر فیوچر پاکستان نے ناروجیئن کلب یووک لین کو 0-2 سے شکست دے کر ٹائٹل جیت لیا۔ بیٹر فیوچر کی جانب سے دونوں ہاف میں ایک، ایک گول ہوئے، ٹیم کی جانب سے ایک گول احمد علی اور دوسرا گول اویس نے اسکور کیا۔

واضح رہے کہ ناروے کپ میں انڈر 15 ایونٹ میں شریک بیٹر فیوچر پاکستان کی ٹیم لیاری کے کھلاڑیوں پر مشتمل تھی، بیٹر فیوچر کی ٹیم پورے ٹورنامنٹ میں ناقابل شکست رہی۔ فاتح ٹیم نے ہر میچ میں حریف کو آؤٹ کلاس کرتے ہوئے ٹرافی اپنے نام کی۔