ویب ڈیسک: پاکستان قومی کرکٹ ٹیم کی دورہ نیوزی لینڈ اور ٹی ٹوئنٹی ورلڈ کپ کے لیے روانگی کا شیڈول سامنے آ گیا ہے۔
تفصیلات کے مطابق پاکستان کرکٹ ٹیم کل رات انگلینڈ کے خلاف ٹی 20 سیریز کے آخری میچ کے فوری بعد نیوزی لینڈ کے لئے روانہ ہو گی۔قومی ٹیم براستہ دبئی سڈنی جائے گی، گرین شرٹس پہلے سڈنی اور پھر اس کے بعد آکلینڈ اور کرائسٹ چرچ پہنچے گی، جہاں وہ میزبان ملک نیوزی لینڈ اور بنگلہ دیش کے ہمراہ ٹرائی نیشن ٹی ٹوئنٹی سیریز میں حصہ لے گی۔ پاکستان ٹیم سہ فریقی سیریز میں پہلا میچ 7 اکتوبر کو بنگلادیش کے خلاف کھیلے گی، سہ فریقی سیریز کا فائنل 14 اکتوبر کو کھیلا جائے گا۔
قومی کرکٹ ٹیم 15 اکتوبر کو آسٹریلیا پہنچے گی۔ پاکستان کرکٹ ٹیم ورلڈ کپ سے قبل 17 اور 19 اکتوبر کو پریکٹس میچز کھیلے گی۔