(مانیٹرنگ ڈیسک) معروف امریکی پاپ گلوکارہ برٹنی اسپیئرز نے والد کے خلاف طویل قانونی جنگ جیتنے کے بعد جہاز اُڑاتے ایک ویڈیو شیئر کی ہے جو سوشل میڈیا پر وائرل ہوگئی۔
تفصیلات کے مطابق گلوکارہ برٹنی اسپیئرز نے والد کے ذاتی زندگی میں مداخلت کرنے کے حق سے آزادی ملنے کے عدالتی حکم کے بعد انسٹاگرام پر ایک ویڈیو شیئر کی، ویڈیو میں انہیں ایک چھوٹے جہاز کے کاک پٹ میں پائلٹ کے ساتھ طیارے کا کنٹرول سنبھالے دیکھا جاسکتا ہے۔
انہوں نے ویڈیو کے کیپشن میں لکھا کہ اس وقت میں بادلوں میں ہوں، میں پہلی مرتبہ جہاز اڑا رہی ہوں، اس سے قبل میں خوفزدہ تھی۔
View this post on Instagram
واضح رہے کہ گزشتہ دنوں برٹنی اسپیئرز نے اپنے ایرانی دوست سام اصغری سے منگنی بھی کی تھی، برٹنی اسپیئرز کی اس سے قبل دو بار شادی ہوچکی ہے ،ان کے سابقہ شوہر ریپر کیون فیڈرلائن سے 2 بچے بھی ہیں۔