( سٹی42)  پنجاب اسمبلی کے ایک حلقہ کے ضمنی الیکشن میں مسلم لیگ نون کو کامیابی مل گئی۔ ن لیگ کے نامزد امیدوار اسامہ عبدالکریم بلا مقابلہ منتخب ہوگئے۔

 تفصیلات کے مطابق ڈیرہ غازی خان میں صوبائی اسمبلی کے حلقہ پی پی 289  میں ضمنی الیکشن میں مسلم لیگ ن کے نامزد امیدوار اسامہ عبدالکریم بلا مقابلہ منتخب ہوگئے۔ریٹرننگ افسر کے مطابق 11 میں سے9  امیدواروں نے گزشتہ روز کاغذات نامزدگی واپس لے لئے تھے، پی پی 289 سے دسواں امیدوار بھی آج دستبردار ہوگیا۔

  واضح رہے کہ یہ نشست ن لیگ کے محمود قادر لغاری کے رکن قومی اسمبلی منتخب ہونے پر خالی ہوئی تھی، الیکشن کمیشن کے شیڈول کے مطابق پی پی 289 پر  25 جنوری کو پولنگ ہونا تھی۔