سٹی 42: پیپلز پارٹی سندھ نے شہید ذوالفقار علی بھٹو کی 5 جنوری کو 98 ویں سالگرہ سندھ بھر کے تمام ضلعی ہیڈ کوارٹرز میں منانے کا اعلان کردیا۔
نثار کھوڑو نے اعلان کیا کہ شہید ذوالفقار علی بھٹو کی 5 جنوری کو 98 ویں سالگرہ تقاریب کا انعقاد سندھ کے ہر ضلعی ہیڈ کوارٹرز میں کیا جائے گا۔ پیپلز پارٹی کی ضلعی تنظیمیں اپنے اپنے اضلاع میں شہید بھٹو کی سالگرہ کی تقاریب کا انعقاد کریں۔شہید ذوالفقار علی بھٹو کی 98 ویں سالگرہ تقاریب میں کیک کاٹے جائیں گے اور بھٹو شہید کو بھرپور خراجِ عقیدت پیش کیا جائے گا۔ ملک میں جمہوریت بھٹو خاندان کی مرہونِ منت ہے۔ پیپلز پارٹی ملک میں آئین و پارلیمنٹ کی بالادستی اور جمہوریت کے تسلسل کے لئے اپنا بھرپور کردار ادا کرتی رہے گی۔
شہید ذوالفقار علی بھٹو نے ملک کو ایٹمی طاقت بنایا تو شہید بینظیر بھٹو نے ملک کو میزائل ٹیکنالوجی دی۔پاکستان کی عوام اور افواج پاکستان اپنے ملک پر اوپر میلی نظر رکھنے والوں کو بھرپور جواب دینے کی صلاحیت رکھتے ہیں۔ملک میں نئے صوبے نہیں بن رہے نہ ہی سندھ میں کبھی نیا صوبہ بنے گا۔سندھ میں نیا صوبہ بنانے کی باتی کسی کی سیاسی پوائنگ اسکورنگ اور شوشہ ہیں۔
پیپلز پارٹی سندھ کی وحدت پر کوئی آنچ نہیں آنے دے گی۔ پیپلز پارٹی نے جس طرح کینالوں کو مسترد کرایا اسی طرح سندھ کے حقوق کا ہر موڑ ہر تحفظ اور دفاع کیا جائے گا۔ پیپلز پارٹی 18 ویں ترمیم اور این ایف سی میں صوبے کے حصے کو کسی صورت رول بیک نہیں ہونے دے گی۔
ایف بی آر کی ناکامی کی سزا صوبوں کے این ایف سی کے حصے سے کٹوتی کرکے صوبوں کو نہیں دی جا سکتی۔وفاق کو پیشکش کرتے ہیںکہ سندھ کو خدمات اور اشیاء پر سیلز ٹیکس وصولی کا اختیار دیا جائے تو وفاق کو ایف بی آر سے زیادہ ٹیکس وصول کرکے دے سکتے ہیں۔