ماں نے 3 بچیوں کو قتل کر کے خود کو آگ لگا لی

Mother killed 3 daughters
Mother killed 3 daughters

(مانیٹرنگ ڈیسک) پنڈدادن خان کے نواحی گاؤں ہرن پور میں ماں نے 3 معصوم بچیوں کے تیز دھار آلے سے گلے کاٹ کر خود کو آگ لگادی۔

جہلم کی تحصیل پنڈ دادن خان میں انتہائی افسوس ناک واقعہ پیش آیا جہاں نواحی گاؤں ہرن پور میں ماں نے اپنی 3 معصوم بچیوں کے تیز دھار آلے سے گلے کاٹ دیئے، تینوں بچیوں کے گلے کاٹنے کے بعد ماں نے اپنے آپ کو بھی آگ لگالی جس سے وہ جھلس کر شدید زخمی ہوگئی۔

واقعے کے بعد پولیس کی بھاری نفری موقع پر پہنچ گئی۔ پولیس کے مطابق جاں بحق بچوں کی عمر زوئیہ 5، فائزہ 4 اور جنت کی 3 سال ہے، خاتون یاسمین کو تشویش ناک حالت میں ہسپتال منتقل کردیا گیا۔

پولیس کا کہنا ہے کہ خاتون یاسمین کا شوہر فیض احمد رکشہ ڈرائیور ہے تاہم واقعے کی مزید تحقیقات جاری ہیں۔