سٹی 42 : ڈیرہ غازی خان میں پنجاب سے بلوچستان جانے والے تمام راستے بند کردیے گئے۔
ڈپٹی کمشنر ڈی جی خان نے بتایا ہے کہ بلوچستان جانے والی شاہراہ براستہ فورٹ منرو اور تونسہ موسیٰ خیل روڈ بند کر دی گئی ہے، فی الحال مسافر ڈی جی خان کے راستے بلوچستان نہیں جا سکتے۔
ڈی سی ڈی جی خان کے احکامات کے بعد بلوچستان سے ملنے والے سرحدی علاقے بواٹہ اور سخی سرور کے مقام پر ٹریفک کو روک دیا گیا ہے۔
دوسری جانب کوئٹہ سے اندرون ملک اور چمن کے لیے ٹرین سروس آج دوسرے روز بھی معطل ہے، پشاور کے لیے جعفر ایکسپریس اور چمن کے لیے مسافر ٹرین روانہ نہیں ہوئیں۔