ویب ڈیسک: پاکستان اور آسٹریلیا کےدرمیان تیسرا ٹی ٹونٹی آج لاہور میں کھیلا جائے گا ، گرین شرٹس کینگروز کےخلاف ٹی ٹونٹی سیریز میں وائٹ واش کر نے کےلئے پرعزم ہیں ۔ 

  تفصیلات کے مطابق  آسٹریلیا کےخلاف ٹی ٹونٹی سیریز جیتنے کے بعد  پاکستان نے  وائٹ واش پر نظر یں جما لیں، قومی ٹیم میں آج بھی متعدد تبدیلیوں کا امکان ہے ۔
  یاد رہے کہ پاکستان نے سیریز کے دوسرے ٹی ٹوئنٹی میچ میں آسٹریلیا کو 90 رنز کے بھاری مارجن سے شکست دے کر تین میچوں کی سیریز میں 0-2 کی ناقابلِ شکست برتری بھی حاصل کرلی۔

  پاکستان نے آسٹریلیا کو 7 سال بعد ٹی ٹوئنٹی سیریز میں شکست دی ہے۔

  آسٹریلیا کی تمام وکٹیں پاکستانی اسپنرز نے لیں۔ شاداب خان اور ابرار احمد 3، 3 عثمان طارق 2 جبکہ صائم ایوب اور محمد نواز ایک، ایک کھلاڑی کو آؤٹ کرنے میں کامیاب ہوئے۔

 اس فتح کے ساتھ ہی پاکستان نے سیریز میں کامیابی حاصل کرتے ہوئے 0-2 کی ناقابلِ شکست برتری بھی حاصل کرلی۔