(ذین مدنی ) کورونا وائرس کے پھیلا کے خدشات گھروں میں قرنطینہ میں رہنے والوں کو اداکار زاہد احمد نے چند مفید مشورے دیے ہیں جن سے وہ اپنا وقت بہتر بناسکتے ہیں۔
انسٹا گرام پر اپنی پوسٹ میں اداکار نے لکھا قرنطینہ کے دوران میں چند تجاویز شیئرکررہا ہوں، اداکار نے سب سے پہلے لکھا پانچ وقت کی نماز ادا کریں، زاہد احمد نے قرآن پاک کو ترجمے کے ساتھ پڑھنے کے علاوہ فالوورز کو حدیث کے نام سے ایک ایپ ڈان لوڈ کرنے کو بھی کہا جس سے انہیں آسانی ہوگی۔
View this post on InstagramJust sharing some my suggestions for Quarantine :) #zahidahmed #quarantine
اداکار نے قرنطینہ کے دوران اپنے بچوں کو بھی ٹائم دینے کی اہمیت بتاتے ہوئے کہا اگر وہ چھوٹے ہیں تو روازنہ ایک گھنٹہ ان کے ساتھ کارٹونز دیکھیں اور اس پربات کریں، اس کے علاوہ مختلف گیمز کھیلیں، زاہد احمد نے تمام اوقات کا کھانا فیملی کے ساتھ ایک ہی جگہ بیٹھ کر کھانے پرزور دیتے ہوئے اس دوران خود کو حاصل نعمتوں اور مواقع پر بھی بات کرنے کا مشورہ دیا۔
اداکار کے مطابق اپنے دن کا اختتام دل کی اس خوشی کے ساتھ کیجئے کہ فیملی کے ساتھ اچھا وقت گزار کر آپ نے اپنے اللہ کے احکامات پر عمل کیا۔