سٹی42: مسافر طیارہ گھر پر گر کر تباہ ہوگیا .اس حادثہ میں 2 افراد جاں بحق ہوگئے۔
مغربی جرمنی میں ایک چھوٹا طیارہ ہفتے کے روز ایک ہوائی اڈے کے قریب پہنچ کر ایک رہائشی عمارت کی چھت سے ٹکرا گیا اور دو افراد ہلاک ہو گئے۔
یہ حادثہ دوپہر کے قریب کورشینبروش قصبے میں پیش آیا، جو مینشین گلیڈبیخ شہر کے قریب ہے اور ہالینڈ کی سرحد سے زیادہ دور نہیں۔
طیارہ عمارت کی چھت سے ٹکرا گیا اور آگ بھڑک اٹھی جس سے مکان کو کافی نقصان پہنچا۔ جرمن خبر رساں ادارے ڈی پی اے کے مطابق، پولیس نے بتایا کہ دو افراد جاں بحق ہوئے،ان میں سے ایک طیارے کی 71 سالہ خاتون تھی۔
تفتیش کار دوسرے متوفی کی شناخت کے لیے کام کر رہے تھے۔ عمارت میں رہنے والے تین افراد میں سے دو لوگ حادثے کے وقت وہاں موجود نہیں تھے اور بعد میں انہوں نے پولیس کو اپنے بخیریت ہونے کی اطلاع دی۔
عمر رسیدہ خاتون پائلٹ نے ہفتے کی صبح مشرقی جرمن شہر ایرفرٹ کے قریب الکرسلیبین سے اڑان بھری تھی۔ اس نے حادثے کی جگہ سے صرف 4 کلومیٹر (2 1/2 میل) کے فاصلے پر مونشین گلاڈباخ کے ہوائی اڈے پر اترنے کا منصوبہ بنایا تھا، لیکن مبینہ طور پر اس جہاز میں تکنیکی مسائل تھے۔
آگ کے شعلوں نے سیکنڈوں میں گھر کو اپنی پلیٹ میں لے لیا، دھوئیں کے گہرے بادل آسمان میں اڑتے دیکھے گئے۔
فائر فائٹرز اب بھی طیارے کے ملبے کی جگہ پر آگ پر قابو پانے کی کوشش کررہے ہیں۔