ویب ڈیسک:پاکستان اور آئی ایم ایف کے درمیان مذاکرات کے دوران بجٹ میں تنخواہوں اور پنشن میں اضافے سے متعلق اہم خبر آگئی۔
ذرائع کے مطابق پاکستان اور آئی ایم ایف کے درمیان آئندہ مالی سال کے بجٹ سے متعلق ورچوئل مذاکرات جاری ہیں۔ تنخواہ دار طبقے کو ٹیکس ریلیف دینے کی کوششوں پر آئی ایم ایف نے اعتراض اٹھایا ہے کہ اس ریلیف کے بعد مجوزہ ٹیکس ہدف کیسے پورا کیا جائے گا۔
وزارت خزانہ نے ٹیکس ہدف کے حصول کے لیے اقدامات پر آئی ایم ایف کو بریفنگ دی ہےتاہم عالمی مالیاتی ادارے نے مطالبہ کیا ہے کہ سیلز ٹیکس کی تمام رعایتیں اور چھوٹ ختم کی جائیں، سولر پینلز کی امپورٹ پر سیلز ٹیکس عائد کیا جائے۔
اس کے علاوہ تمام درآمدی اشیاء پر ڈیڑھ فیصد ودہولڈنگ ٹیکس لگایا جائے اور ریئل اسٹیٹ کے بلڈرز اور ڈویلپرز کو رجسٹرڈ کیا جائے۔
ذرائع کا کہنا ہے کہ تنخواہوں اور پنشن میں اضافے کے حوالے سے جزوی اتفاق ہو گیا ہے جبکہ صرف صنعتوں کے خام مال پر ود ہولڈنگ ٹیکس کی چھوٹ دیے جانے پر غور جاری ہے۔