سٹی42: ماہ صیام کے جمعتہ الوداع اور یوم القدس کے موقع پر سکیورٹی کےسخت انتظامات، ایس ایس پی آپریشنز لاہور اسماعیل کھاڑک کے مطابق پولیس کےتین ہزار سے زائد اہلکار مساجد اور امام بارگاہوں پرتعینات کیے گئے ہیں۔
تفصیلات کے مطابق شہر میں جمعتہ الوداع کے موقع پر امن وامان برقرار رکھنے کیلئےلاہور پولیس نےفول پروف سکیورٹی انتظامات کیے ہیں، ایس ایس پی آپریشنز لاہور اسماعیل کھاڑک کے مطابق پولیس کے3 ہزار سےزائد اہلکار، ڈولفن فورس کی 307 جبکہ پیرو فورس کی 110 ٹیمیں پٹرولنگ ڈیوٹی پر موجود تھیں۔
پولیس کی طرف سے نمازیوں کی 3 مختلف جگہوں پرتلاشی کے بعد مسجد میں داخلے کی اجازت دی گئی، ڈویژنل ایس پیز نےخود سکیورٹی کی نگرانی کی، شہر کےداخلی اور خارجی راستوں پر سخت چیکنگ کرنے کے ساتھ ساتھ رضاکاروں کی کثیر تعداد نے سکیورٹی امورانجام دیئے۔
جبکہ یوم القدس کی ریلیوں پر 6 سو سے زائد اہلکار تعینات تھے۔