طیب سیف: بیرسٹر گوہر کے واٹس ایپ اکاؤنٹ ہیک ہو گیا، جس کے بعد ہیکر نے بیرسٹر گوہر کے جاننے والوں سے پیسے بھی طلب کیے۔
بیرسٹر گوہر نے اپنے بیان میں کہا کہ جیسے ہی انہیں اکاؤنٹ ہیک ہونے کا علم ہوا، انہوں نے اپنے موبائل سے فوری طور پر واٹس ایپ ایپلیکیشن ڈیلیٹ کر دی۔ انہوں نے عوام اور اپنے رابطوں کو خبردار کیا کہ کسی بھی مشکوک پیغام یا مالی درخواست پر عمل نہ کیا جائے۔
ان کا کہنا تھا کہ ہیکنگ کے واقعے کی اطلاع متعلقہ سیکیورٹی اداروں کو دے دی گئی ہے اور وہ اپنے ڈیجیٹل اکاؤنٹس کی سیکیورٹی بڑھانے کیلئے اقدامات کر رہے ہیں۔