وحدت روڈ(جنید ریاض، عفیفہ نصر) پنجاب میں کورونا ایس اوپیز کی خلاف ورزی پر وزارتِ تعلیم ان ایکشن، صوبائی وزیر سکولز ایجوکیشن مرادراس نے کورونا ایس او پیز پر عملدرآمد نہ کروانے پر 3 سی ای او ایجوکیشن کو معطل کر دیا جبکہ کچھ افسروں کوانتباہ جاری کردیا۔
ذرائع کے مطابق صوبائی وزیر سکولز ایجوکیشن مرادراس نے کورونا ایس او پیز پر عملدرآمد نہ کروانے پر سی ای او ایجوکیشن سیالکوٹ، سی ای او ایجوکیشن چنیوٹ اور سی ای او ایجوکیشن منڈی بہاؤالدین کو معطل کیا جبکہ ننکانہ ، ڈیرہ غازی خان اور بہاولپور کے ڈی ای او ز کے معطل ہونے کے احکامات بھی جاری کردیئے۔ ڈی جی خان، ملتان اور ننکانہ کے ڈی ای اوز کو حفاظتی انتظامات بھرپور نہ ہونے پر سخت وارننگ دی گئی۔
Suspensions and Warnings issued for Not making sure SOPs are being followed that have been issued by School Education Department Punjab. Zero tolerance on this issue. I will Not let anyone endanger the lives of our children and teachers. pic.twitter.com/VONnLh5OTH
— Murad Raas (@DrMuradPTI) September 29, 2020
ڈاکٹر مراد راس کا کہنا تھا کہ پہلی سے پانچویں تک کلاسز کا آج سے آغاز ہوگیا، ایس او پیز اور حفاظتی انتظامات پر عملدرآمد کے حوالے سے زیرہ ٹالرنس پالیسی لاگو ہو گی، جب تک کورونا ختم نہیں ہوجاتا بچوں کو متبادل دنوں میں ہی سکول بلائیں گے، 100 فیصد ایس او پیز پرعملدرآمد یقینی بنانا والدین واساتذہ کی ذمہ داری ہے۔
پرائمری سطح کے طلبا کے لئے سکول کھلنے کے موقع پر وزیر سکول ایجوکیشن پنجاب ڈاکٹر مراد راس کے لاہور کے مختلف علاقوں میں سکولوں کے ہنگامی دورے کیے اور انتظامات کا جائزہ لیا، اس موقع پر سی ای او ایجوکیشن پرویز اختر خان بھی انکے ہمراہ تھے۔
Surprise Visits to multiple Public and Private Schools this morning. More than 95% schools following SOPs issued by School Education Department Punjab. Warnings have been issued and follow up will be done InshAllah. pic.twitter.com/D7ofiJzMRB
— Murad Raas (@DrMuradPTI) September 30, 2020
مراد راس کا کہنا تھا کہ سکول ایجوکیشن کی تمام ٹیموں پر لازم ہے کہ وہ مکمل ذمہ داری کے ساتھ کام کریں، غیر ذمہ داری کا مظاہرہ کرنے والے کسی بھی فرد کو معاف نہیں کیا جائے گا۔
ڈاکٹر مراد راس نے بتایا کہ صوبے بھر میں ہونیوالی سینئیر افسران کی معطلیاں ایس او پیز پر عملدرآمد کے حوالے زیروٹالرنس پالیسی کا منہ بولتا ثبوت ہیں، سکولوں کے دوروں کا مقصد صرف اور صرف ایس او پیز پر سختی سے عملدرآمد کرانا ہے، طلبا، اساتذہ اور ان کے خاندانوں کی حفاظت کیلئے دن رات کام کر رہے ہیں۔