سٹی 42 : وزیراعظم شہباز شریف سے وزیر داخلہ سید محسن رضا نقوی کی ملاقات ہوئی ہے۔
ملاقات میں وزیر داخلہ محسن نقوی نے وزیراعظم شہباز شریف کو اپنے حالیہ دورہ عمان اور ایران کے حوالے سے آگاہ کیا ۔ اس کے علاوہ متعلقہ وزارت کے امور کے حوالے سے بھی گفتگو ہوئی ۔
قبل ازیں وزیراعظم شہباز شریف کی زیر صدارت ایف بی آر میں اصلاحات کے حوالے سے جائزہ اجلاس ہوا۔ اجلاس میں وزیراعظم شہباز شریف نے سیلز ٹیکس فراڈ کرنے والے اداروں، کمپنیوں اور افراد کی شناخت کے لیے تحقیقات کرنے اور رپورٹ میں شناخت ہونے والے مجرمان کے خلاف سخت قانونی کارروائی کی ہدایت کردی۔