(محمدساجد) بھارت میں ہونے والی شادیوں میں بہت سی روایتی رسمیں ملتی ہیں جن کو وائرل ہونے والی ویڈیوز میں دیکھا جاسکتا ہے، عصر حاضر میں شادی کے موقع پر دلچسپ ویڈیو بناکر اس کو سوشل میڈیا پر پوسٹ کیا جاتا ہے ایک ایسی ہی ویڈیو سامنے آئی جس میں شادی کے موقع پر دولہا دلہن روٹی بنارہے ہیں۔
وائرل ہونے والی یہ ویڈیو کشمیر میں ہونے والی شادی کی ہے جس نے دیکھنے والوں کے دل جیت لئے، ویڈیو میں دیکھاجاسکتا ہے کہ نیا جوڑا اپنی شادی کے دن روٹی بنارہا ہے جبکہ گھر والے اور دیگر مہمان اردگرد جمع ہیں جو اس منظر کو دیکھ کر محظوظ ہورہے ہیں، جموں کشمیر میں شادی کی یہ بھی ایک رسم ہے جس کی ویڈیو شیئر کی گئی۔
20 سیکنڈ کی یہ ویڈیو صوفیہ زرین نے اپنے ٹویٹر اکاؤنٹ پر پوسٹ کی، ویڈیو میں دولہا دلہن مل کر روٹی بنارہے ہیں، دلہن نے کشمیرلباس پہنا ہوا ہے جس میں وہ خوبصورت نظر آرہی ہے جو آٹے کو گول بناکر اس کو روٹی کی شکل دیتی ہے جبکہ اہلخانہ کے لوگ خوشی سے تالیاں بجارہے ہیں، بعد ازاں دولہا اس کو روٹی کو پین سے اٹھا کر اس کا رخ بدلتا ہے۔
شیئر کی گئی اس ویڈیو کے کیپشن میں لکھا کہ" گاؤں کی پرانی رسم جہاں دلہن روٹی بنانے کا پوچھتی ہے" شادی کے دن اور دولہا اس کی مدد کرتا ہے" اس سے ازدواجی زندگی باہمی تعاون اور محبت سے شروع ہوتی ہے" ۔
An old but good #tradition in a village where the #bride is asked to make a "Roti" on their wedding day and the #groom helps her. This way, their marital life begins with mutual cooperation and love!❤️#traditions #culture #Kashmir #PakAgainstKashmiriyat #NeverForgetNeverForgive pic.twitter.com/KP8y5EyZXy
— Sophia Zarin (@SophiaZarin) October 13, 2021
سوشل میڈیا صارفین نے ویڈیو منظر عام پر کے بعد ملے جلے کمنٹس کئے اور اس رسم کو سراہتے دلہا دلہن کے کام کی تعریف کی۔