(علی رامے) پنجاب حکومت نے ترقیاتی بجٹ میں پی ٹی آئی اور اتحادی جماعتوں کے ارکان اسمبلی سے ترقیاتی سکیمیں طلب کرلیں۔
تفصیلات کے مطابق کمشنرز کے ذریعے ضلعی حکومتوں کو کہا گیا ہے کہ پی ٹی آئی کے ارکان اسمبلی سے ان کے حلقوں کے منصوبوں کی تفصیلات طلب کی جائیں۔حکام کا کہنا ہے کہ پی ٹی آئی کے ارکان اسمبلی اپنے حلقے کی سکیمیں متعلقہ اضلاع کو دیں گے۔ڈپٹی کمشنرز اپنے پلاننگ ونگ سے متعلقہ سکیمیں پی اینڈ ڈی بورڈ کو ارسال کریں گے۔ جس کے بعد وزیر اعلیٰ پنجاب اپنے صوابدیدی اختیارات کے تحت اپنے ارکان اسمبلی کو فنڈز دیں گے۔
ذرائع کا کہنا ہے کہ پی ٹی آئی اراکین اسمبلی کیساتھ اتحادی جماعتوں کے لیے مخصوص پیکج کے تحت ان کے حلقوں میں فنڈز کا اجرا کیا جائے گا۔