سعید احمد: لاہور ائیرپورٹ کے اطراف میں دھند کا راج،رن وے پر حد نگاہ میں کمی سے فلائٹ آپریشن متاثر،دھندکے باعث 9پروازیں منسوخ  جبکہ 20 سے زائد گھنٹوں تاخیر کا شکارہوگئیں۔

 منسوخ ہونیوالی پروازوں میں لاہور سے جدہ جانے والی سعودی ائیر کی پرواز ایس وی 739 ،گوانگ ژو سے آنے والی چائنہ سدرن کی پرواز سی زیڈ 6037 ،لاہور سے گوانگ ژو جانے والی پرواز سی زیڈ 6038 ،لاہور سے دبئی جانے والی ائیر بلیو کی پرواز پی اے 410 ،دبئی سے آنے والی ائیربلیو کی پرواز پی اے 411  ہو گئی۔

 دوسری طرف ابوظہبی جانے والی پی آئی اے کی پرواز پی کے 263 ،ابوظہبی سے آنے والی پی آئی اے کی پرواز پی کے 264 ،کراچی سے آنے والی فلائی جناح کی پرواز نائن پی 840 ،لاہور سے کراچی جانے والی فلائی جناح کی پرواز نائن پی 841  بھی اڑان نہ بھر سکی۔

 تاخیر کا شکار ہونیوالی پروازوں میں شارجہ سے آنے والی پرواز پی اے 413 ساڑھے 11 گھنٹے تاخیر کا شکارہوئی جبکہ جدہ سے آنے والی ائیرسیال کی پرواز پی ایف 717 ساڑھے 11 گھنٹے،ریاض سے آنے والی ائیرسیال کی پرواز پی ایف 767 ساڑھے 10 گھنٹے،جدہ سے آنے والی پرواز پی کے 860 چھے گھنٹے،جدہ سے دوسری آنے والی پرواز پی کے 760 آٹھ گھنٹے  تاخیر کا شکار ہوئی ہے۔

 لاہور سے مسقط جانے والی ائیرسیال کی پرواز پی ایف 732 نو گھنٹے ،لاہور سے شارجہ جانے والی فلائی جناح کی پرواز نائن پی 500 آٹھ گھنٹے،لاہور سے دبئی جانے والی ائیر بلیو کی پرواز پی اے 416 چھے گھنٹے تاخیر کا شکار ہوئی ہے۔