سٹی 42 : شہرِ قائد میں فائیو اسٹار چورنگی کے قریب سٹی 21 کی ٹیم کو ڈاکوؤں نے لوٹ لیا ۔ 

سٹی 21 کے رپورٹر مبشر ،کیمرا مین اور ڈرائیور سے ڈکیتی کی واردات فائیو سٹار پرہوئی ۔ سٹی 21 کی ٹیم کوریج پر جارہی تھی، اسی دوران بغیر نمبر پلیٹ والی موٹرسائیکل پر دو ڈاکو رونگ وے سے آئے، دونوں کے پاس پستول تھا۔ ڈاکو 4 موبائل فون ، 20 ہزار کیش اور دیگر قیمتی اشیاء لوٹ کر رونگ وے سے فرار ہوگئے ۔ 

ڈکیتی کے واقعے پر ایس ایس پی سینٹرل نے نوٹس لیتے ہوئے ایس ایچ او  سے واقعے کی رپورٹ طلب کرلی ۔ ایس ایس پی سینٹرل کا کہنا ہے کہ 24 گھنٹے کے اندر ایس ایچ او واقعے میں ملوث ڈاکوؤں کو گرفتار کرے ۔