سٹی 42: لاہور کے علاقے ماڈل ٹاؤن کچہری کے عقب سے اسلحہ بردار 2 ملزمان کو پولیس نے گرفتارکرلیا۔ 

ایس پی ماڈل ٹاؤن جہانداد اکرم کے مطابق ملزمان کچہری کے عقب میں ریلوے لائنز کے قریب چھپے ہوئے تھے۔ چوکی چلڈرن ہسپتال پولیس نے خفیہ اطلاع پر ملزمان کو گرفتار کیا۔ ملزمان نے دورانِ تفتیش اعتراف کیا ہے کہ شاہ جمال کالونی میں ریکی کرکے واردات کرنے جا رہے تھے۔ ملزمان سے 32 بور ریوالور اور گولیاں برآمد کی گئیں ہیں۔

پولیس کے مطابق ملزمان کے خلاف مقدمہ درج کرلیا گیا ہے۔ ملزمان کے بیانات اور محرکات کے حوالے سے مزید تفتیش بھی جاری ہے۔