سٹی42: پاک بزنس ایکسپریس ٹرین کی افتتاحی تقریب کے باعث لاہور ریلوے اسٹیشن کا پلیٹ فارم نمبر 2 آج کے دن مسافروں کے لیے بند کر دیا گیا ہے۔ پلیٹ فارم کی بندش کے باعث متعدد ٹرینوں کے لیے متبادل اسٹاپس کا انتظام کیا گیا ہے تاکہ مسافروں کو کم سے کم پریشانی ہو۔

ریلوے حکام کے مطابق  آج کے دن  لاہور سے راولپنڈی جانے والی ٹرین اب شاہدرہ ریلوے اسٹیشن پر رکے گی، لاہور سے کراچی جانے والی علامہ اقبال ایکسپریس اب لاہور کینٹ اسٹیشن پر اسٹاپ دے دیا گیا، لاہور سے پشاور جانے والی عوام ایکسپریس اسٹاپ شاہدرہ اسٹیشن پر ہوگا،کراچی سے لاہور آنے والی بزنس ایکسپریس: اسٹاپ لاہور کینٹ اسٹیشن پر دیا گیا۔
اس کے علاوہ کراچی سے لاہور آنے والی قراقرم ایکسپریس اب شاہدرہ اسٹیشن پر رکے گی،کراچی سے لاہور آنے والی کراچی ایکسپریس اسٹاپ کینٹ اسٹیشن پر منتقل،راولپنڈی سے لاہور اور کراچی جانے والی تیزگام اسٹاپس شاہدرہ اور کوٹ لکھپت اسٹیشنوں پر اور کراچی سے لاہور اور راولپنڈی جانے والی تیزگام: کوٹ لکھپت اسٹیشن پر اسٹاپ دیا گیا ہے
ریلوے ترجمان کے مطابق یہ متبادل انتظامات صرف آج کے دن کے لیے کیے گئے ہیں تاکہ افتتاحی تقریب کے موقع پر ریلوے اسٹیشن پر رش کو کنٹرول کیا جا سکے۔