سٹی 42 : محکمہ سکول ایجوکیشن کی جانب سے 31 اگست تک سکولوں کی صفائی کا کام مکمل کرنےکاحکم دیا گیا ہے۔
محکمہ سکول ایجوکیشن نے یکم ستمبر سے سکول کھولنے کا اعلان کررکھا ہے۔ جاری کردہ مراسلہ کے مطابق چھتوں کمروں، واٹرٹینک اور ٹائلٹس کی صفائی کروائی جائے۔ اسکے علاوہ پلے گراونڈز میں گھاس کی کٹائی ،ڈینگی مچھر کے تدارک کیلئے اقدامات کا حکم بھی دیا گیا ہے۔
مراسلہ کے مطابق سکول میں جھاڑیوں کی کٹائی اور کوڑے کو ٹھکانے لگایا جائے۔
محکمہ سکول ایجوکیشن نے تمام ایجوکیشن اتھارٹیز کو ہدایات جاری کردیں، ایس او پیز پر عملدرآمد نہ کرنے والی اتھارٹیز کے خلاف سخت کارروائی ہوگی۔