ویب ڈیسک : امریکی گلوکار آر کیلی کو لڑکیوں اور بچوں سے جنسی زیادتی اور انسانی اسمگلنگ میں ملوث ہونے پر مجرم قرار دے دیا گیا۔
نیویارک شہر کی جیوری نے گلوکارکو تمام 9 الزامات میں مجرم قرار دیا۔آرکیلی مختلف امریکی ریاستوں کے درمیان خواتین کی اسمگلنگ ، چائلڈ پورنوگرافی اور اغوا میں ملوث ثابت ہوئے ہیں ۔ رپورٹ کے مطابق آر کیلی کنسرٹ میں شرکت کرنے والی لڑکیوں کو سہانے خواب دکھا کر ورغلاتے رہے جبکہ جبکہ کمسن بچوں سے زیادتی کی ویڈیو بنا کر انہیں بلیک میل بھی کرتے تھے۔آر کیلی نے جعلی کاغذات کی بنا پر 15 سالہ لڑکی سے شادی بھی رچائی تھی ۔ گلوکار کوسزا 4 مئی کو سنائی جائے گی ۔ اور ممکنہ طور پر انہیں اپنی باقی زندگی جیل میں گذارنا ہوگی ۔