سٹی42: یروشلم سے بریکنگ نیوز آ رہی ہے کہ وزیراعظم نیتن یاہو نے حماس کی جنگ بندی کی خلاف ورزیوں کا عذر بنا کر غزہ پر ’فوری اور طاقتور حملوں‘ کا حکم دیا ہے۔
اسرائیل کے وزیر اعظم بنجمن نیتن یاہو نے غزہ کی پٹی میں فوری اور طاقتور حملے کرنے کے لیے آئی ڈی ایف کو ہدایت کی ہے، پروشلم مین پرائم منسٹر آفس نے بتایا ہے کہ نیتن یاہو نے "غزہ جنگ بندی کی بار بار خلاف ورزیوں" پر اسرائیل کے ردعمل کا فیصلہ کرنے کے لئے ایک میٹنگ بلائی ہے۔
نیتن یاہو نے بظاہر یہ فیصلہ جنوبی غزہ کی پٹی میں آئی ڈی ایف کے فوجیوں کے حملے کی زد میں آنے کے فوراً بعد، اور یرغمالیوں کی لاشوں کی واپسی کے طے شدہ عمل میں حماس کی مزید خلاف ورزیوں کے بعد اسرائیلی غصے کے درمیان کیا ہے۔
