وفاقی وزیرداخلہ محسن نقوی نے پشاور میں سی ٹی ڈی ہیڈ کوارٹرز کا درہ کیا اور اعلان کیا کہ دہشتگردی کے خلاف جنگ مین فرنٹ لائن پر کام کرنے والے ادارہ کی استعداد کار بڑھانے کے لئے تمام ممکنہ اقدامات کئے جائیں گے۔
وفاقی وزیر داخلہ محسن نقوی نے کاؤنٹر ٹیررزم ڈیپارٹمنٹ کے صوبائی ہیڈکوارٹرز میں ڈیٹا سنٹر،کرائم سین یونٹ، سی آئی اے یونٹ اور دیگر شعبوں کا وزٹ کیا۔
بعد ازاں وفاقی وزیر داخلہ محسن نقوی کی زیر صدارت سی ٹی ڈی ہیڈ کوارٹر میں اہم اجلاس ہوا جس میں محسن نقوی نے اعلان کیا کہ سی ٹی ڈی خیبرپختونخوا کی استعدادکار بڑھانے کے لئے انتظامات کئے جائیں گے۔ انہوں نے کہا کہ سی ٹی ڈی خیبرپختونخوا کو ضروری ڈیٹا تک رسائی کی سہولت دی جائے گی۔
محسن نقوی نے کہا کہ خیبرپختونخوا دہشتگردی کے خلاف جنگ میں فرنٹ لائن پر ہے۔ سی ٹی ڈی خیبرپختونخوا کے سائبر سیل کو وسعت دی جائے گی اور ہر ممکن معاونت کریں گے۔ ڈیٹا شئیرنگ کا موثر میکنزم بنایا جائے گا۔
محسن نقوی نے کہا کہ خیبرپختونخوا میں سی ٹی ڈی کا ادارہ موثر انداز میں کام کر رہا ہے۔ سی ٹی ڈی نے دہشتگردی کے خلاف جنگ میں ہراول دستے کا کردار ادا کیا ہے؛ قوم کو اپنے بہادر سپوتوں پر ناز ہے۔
نیکٹا کے سربراہ رائے طاہر۔ انسپکٹرجنرل پولیس اختر حیات گنڈاپور اور سی ٹی ڈی کے حکام کی اجلاس میں شرکت
سی ٹی ڈی خیبرپختونخوا کے سربراہ ایڈیشنل آئی جی شوکت عباس نے ادارے کی کارکردگی کے بارے بریفنگ دی
آئی جی خیبرپختونخوا نے وفاقی وزیرداخلہ محسن نقوی کو دہشتگردوں کے خلاف آپریشن کے بارے بریفنگ دی