سٹی42:  امریکہ کے صدر ٹرمپ  نے کہا ہے کہ "یہ ایک خوفناک صورتحال ہے جو غزہ میں جا رہی ہے… اور ہم اس علاقے کو بہت سارے پیسے اور بہت ساری خوراک فراہم کر رہے ہیں کیونکہ ہمیں کرنا ہے۔"

صدر ڈونلڈ ٹرمپ نے یہ باتیں اوول آفس میں صحافیوں کے ساتھ باتیN کرتے ہوئے کہیں۔ ٹرمپ نے صحافیوں کو  اپنی حکومت کے غزہ ہیومینٹیرین فاؤنڈیشن کو 30 ملین ڈالر عطیہ کرنے کے  حالیہ اقدام کے متعلق بتایا ، پچھلے مہینے سے غزہ  کے عسکری علاقوں میں غزہ ہیومینٹیرین فاؤنڈیشن  خوراک کے ڈبے تقسیم کر رہی ہے۔ اس کام کے دوران فوجیوں کی فائرنگ سے درجنوں افراد مارے جا چکے ہیں اور اس پر بہت تنقید ہو رہی ہے۔

ٹرمپ نے کہا، "ہم اصولی طور پر  (اس امداد کی تقسیم کے کام) میں ملوث نہیں ہیں، لیکن ہم اس لیے ملوث ہیں کیونکہ لوگ مر رہے ہیں،" ٹرمپ کہتے ہیں، "میں ان لوگوں کے ہجوم کو دیکھتا ہوں جن کے پاس نہ کھانا ہے، نہ کچھ ہے۔"

اس کے بعد  ٹرمپ نے افسوس کا اظہار کیا کہ کچھ امداد "برے لوگ" چوری کر رہے ہیں، لیکن ٹرمپ کو یقین ہے کہ نیا GHF سسٹم "بہت اچھا" ہے۔

 جب سے غزہ ہیومینیٹیرین فاؤنڈیشن نے کام شروع کیا، سی دن سے یہ تقریباً روزانہ بڑے پیمانے پر ہلاکتوں کے واقعات سے متاثر ہوا ہے جس میں IDF نے بعض  فلسطینیوں کو  خوراک  کی تقسیم کی جگہوں تک پہنچنے کی کوشش کرنے پر گولی چلائی ہے۔

ٹرمپ کا کہنا ہے کہ دیگر ممالک کو امدادی بحران سے نمٹنے میں مدد کرنی چاہیے۔ امریکہ کے علاوہ، ممالک GHF سے دور رہے ہیں، اس کے متنازعہ طریقہ کار کی وجہ سے اس طریقہ کار میں غزہ کے باشندوں کو کھانا لینے کے لیے طویل فاصلے تک پیدل چلنا اور IDF لائنوں کو عبور کرنا پڑتا ہے، اور س عمل کے دوران فائرنگ کے واقعات ہوتے ہیں۔

دوسری طرف غزہ میں اقوام متحدہ کے حمایت یافتہ میکانزم کو لوٹ مار نے تباہ کر دیا ہے۔ امدادی گروپوں کا کہنا ہے کہ اگر اسرائیل نے غزہ میں امداد کی رقم میں اضافہ کیا تو اس کی طلب میں کمی آئے گی تو اس مسئلے پر توجہ دی جائے گی۔

پچھلے مہینے میں روزانہ اوسطاً  56 ٹرک غزہ میں داخل ہو رہے ہیں – اقوام متحدہ  کے امدادی گروپوں کا کہنا ہے کہ شدید ضرورت کو پورا کرنے کے لیے روزانہ کی تعداد میں سینکڑوں ٹرکوں کی ضرورت ہے۔