مسٹر پرفیکٹ مودی کے وکیل بن کر برے پھنسے
(ویب ڈیسک) اداکار عامر خان اچانک بھارت کے انتہا پسندی اور تشدد کو فروغ دینے کے الزامات کی زد میں آئے وزیراعظم نریندرا مودی کی بے موقع تعریف کر کے اپنا بنا بنایا امیج داو پر لگا بیٹھے۔
’لال سنگھ چڈھا‘ کے اداکار نے وزیراعظم نریندرا مودی کے پروپیگنڈا ریڈیو شو ’من کی بات‘ کو پبلک تک اپنی بات پہنچانے کابہترین طریقہ قرار دے ڈالا تو ان کے مداح ہکا و بکا رہ گئے۔ سوصل میڈیا میں ان پر سخت تنقید ہونے لگی اور لوگ ان کے متنازعہ بیانات کے حوالہ سے گڑے مردے بھی اکھاڑنے لگے۔
عامر خان نے کچھ عرصہ پہلے نریندرامودی کی حکومت میں خود کو غیر محفوظ قرار دیا تھا۔ اب ان کے مداح سوچ رہے ہیں کہ ان دنوں جبکہ بھارت کے عام مسلمان بلکہ بیشتر اپوزیشن سیاستدان بھی خود کو مودی کی حکومت میں زیادہ محفوظ سمجھنے لگے ہیں تو عامر خان کو مودی کے ریڈیو پروگرام کی تعریف کرنے کی کیا سوجھی۔
VIDEO | "It's a very important piece of communication that the leader of the country does with the people, discussing important issues, putting forward thoughts and giving suggestions," says Bollywood actor Aamir Khan at National Conclave on 'Mann Ki Baat @ 100' in Delhi. pic.twitter.com/jrUAawtyAC
— Press Trust of India (@PTI_News) April 26, 2023
نیو دہلی میں شو کی افتتاحی تقریب کے موقع پر گفتگو کرتے ہوئے اداکار نے کہا کہ یہ شوعوام تک اپنی باتیں پہنچانے کا بہترین طریقہ ہے کہ ملک کا سربراہ لوگوں سے اہم معاملات پر بات چیت کرتا ہے، اپنے خیالات دیتا ہے، مشورے دیتا ہے اور ان کی لوگوں کی رہنمائی کرتا ہے۔
جب عامر خان سے پوچھا گیا کہ وزیراعظم مودی تو صرف وہی باتیں کرتے ہیں جو وہ باتیں وہ پسند کرتے ہیں، تو عامر خان نے کہا کہ مودی جی کا بات چیت سننے کا اپنا طریقہ ہے اور وہ پورے ملک سے رابطہ رکھناچاہتے ہیں، میرے خیال میں یہ بہترین اقدام ہے۔
سوشل میڈیا صارفین کو عامر خان کا رویہ پسند نہیں آیا اور ان پر سخت تنقید شروع ہو گئی ہے۔
ایک مداح نے عامر خان کے ایک گزشتہ بیان کا فوٹو شوٹ پوسٹ کر کے یاد دلایا کہ عامر خان نے خود بتایا تھا کہ بھارت میں عدم برداشت کےرجحان میں بڑھاوے کی وجہ سے ان کی بیگم بھارت چھوڑنا چاہتی ہیں۔
— Anindita (@hatefreeworldX) April 26, 2023
عامر خان کے ایک مداح نے ان کے منہ سے مودی کی تعریفوں کے فوارے چھوٹتے دیکھ کر ان کی ہی ایک وڈیو کلپ کی میم بنا کر ٹویٹ کر دی جس میں کہا گیا تھا عامر کھان جھوٹ بول رہا ہے۔
— Harsh Trivedi (@harshstan) April 26, 2023